Aparensia di Konènchi

Grandura di un konènchi ta dependé di e rasa. Struktura di kurpa òf largura di orea ta hunga un ròl. E pianan patras di un konènchi doméstiko ta mas chikí kompará ku un konènchi di mondi. Konènchi di mondi su barika tin un koló mas kla ku su lomba. Mayoria biaha e koló di su barika ta blanku. E parti abou di su rabu i pia tambe ta koló blanku. Esaki nos ta yama koló salbahe. Konènchi doméstiko ta varia den grandura, koló, largura di lana i e posishon di orea. Un konènchi di rasa ‘Vlaamse Reus’ por pisa mas ku 8 kilo i un konènchi ‘enano’ por pisa menos ku 1 kilo. Normalmente un konènchi doméstiko su lana ta hopi kòrtiku. Pero e konènchi di rasa ‘Angora’ tin lananan ku ta krese lihé i largu i ta konsistí di hopi wòl.