Bakuna pa yu di kachó
E promé angua di un yu di kachó ta ku 6 siman di bida. E bakuna ta protehá e yu’i kachó kontra di vírusnan manera Parvo i Distemper (Hondenziekte). Ta rekomendabel pa bakuná e puppynan, pasombra nan sistema inmune no ta haltu ainda i hopi bes e konsekuensha por ta fatal. Kada 2 siman e kachó lo tin ku bai pasa un bakuna. En total e puppy lo haña 6 bakuna. Despues di e lastu bakuna, e kachó lo tin ku bini bèk 1 bes pa aña.
Kada veterinario ta traha diferente. Esaki ta nifiká ku e espasio i eskoho pa ripití un bakuna serka un kachó ta diferente serka kada veterinario. Pues sigui e instrukshon di bo veterinario. Tene na kuenta ku bo mester haña un buki di bakuna kaminda tin pará kua malesa e kachó ta protehá kontra di dje.
Dikon ta importante pa ripití e bakuna?
Pasombra e protekshon ku e pupy a haña serka su mama via lechi, no ta sufisiente pa un periodo largu. Pues e promé bakuna ta sòru pa èkstra bust, pero esaki tampoko no ta traha pa un periodo largu. Ta pesei ta importante pa ripití e bakuna. Si bo tin pregunta óf bo mester di konseho, akudí bo veterinario.
Otro tipo di bakuna ku un puppy por pasa ta ‘Kennelhoest’, i bakuna kontra di ‘Rabiës/hondsdolheid’.