Biaha ku bo animal

Si bo ke biaha ku bo kachó òf pushi, tin puntu ku bo tin ku tene kuenta kune promé ku subi avion. Pa bo animal di kas biaha, e mester tin minimo 3 luna. Loke bo mester ta?

  1. Gezondheidverklaring (no mas bieu ku 10 dia)
  2. Buki di bakuna
  3. Chep
  4. Reiskennel òf tas

 Pa haña e gezondheidverklaring bo tin ku bai ku bo animal serka bo veterinario. Pa haña e petishon di gezondheidverklaring e animal mester ta bon den kondishon. Tambe e mester ta liber di parásito interno i eksterno. Esaki bo tin ku tuma maksimo 10 dia promé ku e buelo. Tambe e animal su shema di bakuna mester ta kompletu. Un bakuna ku ta bini aserka ta di rabiës. Ora e kachó tin 15 siman, e animal por pasa e bakuna di rabiës. Despues 21 dia e animal por kuminsá bula. Pa bestia nan mas grandi, pasa e angua minimal 30 dia promé ku e fecha di buelo. E chep ta haña ora e  ta tuma su gezondheidverklaring. E chep ta wordu pasá bou di e kueru di e animal. Bo ta haña un sticker ku e number di e chep ariba. E veterinario ta keda ku unu pa su atministrashon.

Un animal mester biaha den un tas òf den un ‘reiskennel’. E reiskennel i e tas bo por kumpra na un tienda di animal. E preis nan por kuminsá for di 64 florin. Dependé ki midí bo mester. Ta rekomendabel pa bo kuminsá wak esaki trempan, motibu ku mayoria biaha e tienda nan no tin esaki den stock. Tambe bo tin ku pas e animal den e reiskennel òf tas. Si e ta muchu chikí òf grandi, bo ta na tempu pa kambia esaki. En prinsipio básiko pa pas un animal ta, e animal mester bira, drumi sin keda muchu pèrtá i su kabes no tin mag di mishi ku e dak di e reiskennel òf tas ora e ta pará riba pia. Otro motibu pa wak un reiskennel òf tas trempan ta ku e animal mester kustumá. Pone su awa, koi kome i algu pa e drumi den dje. Ya asina dia di bulo e animal ta sintie mas sigur. E animal tin mag bai den cabine huntu kubo ora e ta pas den e tas. Bo ta pone e animal bou di e stul dilanti bo. Si e tin ku bai den reiskennel, e ta bai komo bagage. Tuma kontakto ku bo aerolínea pa bo sa kiko nan regla ta.

Tuma kontakto ku bo veterinario pa e orario nan pa bo tin ku pasa ku bo animal.

Orario pa tienda di animal, tuma kontakto òf wak riba nan sosial media.

Orario di Veterinaire dienst ta:

Djaluna pa djabièrnè ente 08:00 am – 11:00 am

Pa traha afpraak yama: +5999 685-1292 òf +599 689-1291

 

E prèis nan aki ku nos ta duna ta un indikashon, tene kuenta ku esaki por varia.

Serka veterinario:

  • Chep: NAF. 45,00
  • Bakuna: NAF. 35,00 – NAF. 50,00
  • Bakuna di Rabiës: NAF: 60,00
  • Gezondheidverklaring: 67,00

 

Serka Veterinaire Dienst:

  • 70,00 pa kachó, pushi i frèt
  • 45,00 pa para.

 Pa aerolínea e prèis por varia entre EUR 75 tot EUR 400. Esaki ta varia na unda bo ta bai i unda bo ta sali.

 

Punto di atenshon:

Tin kacho i pushi ku nanishi plat, mayoria baiha e aerolínea no ta tuma pa biaha kune.