Bibienda

Si ta paden den kas òf pafó den kurá, esei ta keda na abo pero semper tene kuenta ku mester tin struktura. Kachó ta bestia ku ta gusta ta den grupo. Esei ta nifiká ku nan mester ta huntu ku bo pa nan sinti ku nan ta den un grupo.

Paden di kas
Si bo kachó ta biba paden, ta rekomendabel pa e kachó tin su mes lugá pa drumi i sinti’é siguir i por drumi trankil. Esaki por ta un kusinchi òf un bènch. Un bènch ta un kouchi di metal/ material sintétiko ku trali ku por habri i sera. E bènch ta mas bien bon ora ke siña e kachó pishi òf ora mucha ta den bisendario i bo no tin bista riba e kachó. E kachó lo gusta e bènch mas ora e ta tapá, asina e ta duna un sintimentu ku e ta mas sigur. Ta rekomendabel pa no sera e kachó pa ora nan largu; pa despues di training e bènch lo keda habrí pa e kachó drenta i sali ora ku e ke.

Tep! Pone e kusinchi òf traili un kaminda ku e kachó tin bista komplentu riba e kamber.

Pafó di kas
Pa pafó bo tin ku tene kuenta ku e kachó mester un kaminda pa skonde pa diferente kondishon di tempu. Aki tambe e kachó mester tin su mes lugá ku e por sinti’é trankil i siguir. Aki bo por pensa riba un kouchi. Bo por traha e kouchi di bloki of di palu. Tene kuenta e mester ta algu fasil pa limpia. E superfisie di e kouchi mester ta minimal 2 m2 pa kachó. Den Landsverordening dierenwelzijn Artikel 6 lid 1 ta bisa: E doño di e kachó ta obligá di tene su kachó solamente riba su terno, a ménos e kachó ta na un liña bou di supervishon.