Embra òf machu

Pa por sa ki tipo di sekso un konènchi tin, bo mester wak na su genital. Ora un konènchi ta hopi yòn, ta difísil pa diferenshá e sekso. Lesa kapítulo ‘Kuido di konènchi’ pa sa mas kon pa no hasi abo ni e konènchi daño. Ora bo tin e konènchi bon posishoná, bo ta hala tur e lana nan un banda, asina bo por tin un bon bista di e genital. Ariba di e genital bo ta hala djis un tiki. Si ta un konènchi embra, bo mira e genital ta bin den un forma di ‘V’, si e ta machu, bo ta mira e genital manera un rònchi. Tambe na un konènchi machu madurá bo por mira su testíkulonan.