Haakworm

Haakworm tambe ta un endoparásito (ta biba paden di e kurpa) ku bo ta haña serka kachó i pushi. E haakworm ku nos konosé yama: Ancylostoma caninum. Esaki ta un parásito mas agresivo kompará ku tin haña na Hulanda òf na Bélgika (Uncunaria stenocephala). E haakworm aki (Ancylostoma caninum) por infektá e animal via boka (mesun kos ku spoelworm) i drenta e kurpa di e anfritrion via su kueru. Esaki por okashoná grawatashi, shushi (pupu) koló skur i ku sleim i anemia.

E haakworm di pushi yama: Ancylostoma tubaeforme.

Tratamentu pa yu di kachó

Un puppy bo por kuminsá dun’é remedi di bichi for di ora e tin 2 siman. Despues bo ta ripití esaki na 4, 6, 8 siman di bida. Despues di esaki bo por duna e puppy, 1 be pa luna òf kada 6 luna. Riba merkado bo ta haña diferente remedi di bichi. Esaki bo por haña na un veterinario òf na un tienda di animal.

Tratamentu pa yu di pushi

Un yu di pushi bo por kuminsá dun’é remedi bichi for di ora e tin 3 siman. Ripití esaki na 5 i di 7 siman di bida. Despues di esaki bo por duna e yu di pushi, 1 be pa luna te ora e hasi 6 luna. Riba merkado bo ta haña diferente remedi di bichi. Esaki bo por haña na un veterinario òf na un tienda di animal.

Tratamentu pa mama di kachó i pushi

E mama di kachó i pushi ku ta duna lechi na su yunan,  tambe mester haña remedi kontra di haakworm mesora pa evitá problema den futuro. Sòru pa e kachó adulto nan semper ta protehá kontra bichi di tripa.

Punto importante!

Limpia kaminda e animal ta drumi i e shushi pa evitá ku e animal ta kontagiá bèk ku haakworm.