Kueru

Kueru ta fini, tai, fleksibel i ta diki. Na lomba i garganta, e kueru ta hopi mas diki ku den las i bou di brasa. Kaminda tin entrada di e kurpa (boka, nanishi, ano, vulva, pénis) e kueru ta funshoná komo slijmvlies. Pues e kueru ta un barera entre medio ambiente i e animal.

Kueru ta e organo mas di mas grandi. E funshon di kueru ta:
• Protehá e kurpa kontra infekshon,
• Protehá e kurpa kontra medio ambiente manera, kímiko, bakteria, parásito i solo,
• Pa por huza e sentidonan pa por sinti, kalor, friu, doló, mishi ku kueru òf preshon
• Protehá e órgano kontra daño na kurpa,
• Protehá e kurpa kontra deshidratashon,
• Kontròl di temperatura korporal.

Ora un hende tin kalor, e ta pèrdè e kalor dor di kueru i pulmon dor di soda. Serka kachó i pushi no por hasi esaki via nan kueru. Kachó i pushi ta pèrdè kalor via di pulmon i lenga dor di “hijgen” (hala rosea via boka). Via e tenchinan tambe e kachó por pèrdè kalor pero minimal. Bou di e tenchinan tin “zoolkussens”. Esaki ta un kueru manera kusinchi pero diki. Aki ta e úniko kaminda ku e kueru ta diki, kompará ku otro kaminda di e kurpa. 

Kompará ku hende, serka kachó e kueru ta tapá ku lana. E lana ta sòru pa e kachó por tin kontròl riba temperatura korporal. E ta tene e kachó kayente ora ta friu i visaversa. Ta pesei ta importante pa no pela bo kachó si no ta nesesario ora e klima ta kayente. Ademas e lana ta un manera tambe pa e kachó kuminuniká ku otro kachó. Por ehémpel: ora tin peliger e lana ta lanta para i esaki ta hasi e kachó mas grandi.

Kueru ta manera un karchi di invitashon. Pues e kueru ta hopi importante, espesialmente serka bestianan domésiko. Paso un animal ku ta shushi i fis ta menos atraktivo. E kueru lo fushoná bon, ora e animal ta bon di salú. E stabilidat di e kueru por kambia ora e kachó tin un malesa heriditaria òf algu a kambia ku su salú.

Ora un kachó haña problema ku kuero, mayoria biaha no ta mortal, pero e por ta hopi fèrfelu pa e kachó ekspirensiá i ku konsekuensia e kachó su aparensia ta bai atras i ku e kompaño entre hende ku e kachó ta bira ménos plasentero. Esaki ta sufisiente motibu di e importansia pa kuida e kueru i pa asina evitá problema den futuro.

Bañamentu di un kachó ta varia entre rasa di kachó. Pero pa mayoria rasa di kachó, bañamentu demasiado no ta bon. E kueru ta traha un stòf di defensa kontra di mikro-organismo (manera parásito, baketeria i fungus). E stòf di defensa aki ta oumentá su mes den e lag di vèt ku tin riba e kueru i e lana di e kachó. Si kada bes e kachó baña i spesialmente ku shampoo ku tin alkalisch den dje, esaki ta kita e lag di vèt. Esaki ta nifiká ku e kueru ta bira suseptibel pa infekshon. Pa sierto kasonan ku tin konsekuensia pa ku e kueru manera un ectoparásito i mester wòrdu tratá, den e kaso nan aki ta posíbel.

Problema ku kueru
Tin diferente motibu ku un kachó por tin problema di kueru, manera:
• Parásito
• Atopie (alérgia)
• Alérgiko riba tipo di kuminda
• Bakteria skimel i gisten
• Problema ku hormona

Síntomanan ku sa bini ku kachó tin problema ku kueru ta:
• Grawatashi
• Grawatashi di orea, sakudí kabes i orea
• Kaska di lana na kueru, kueru ta hopi vèt
• Kueru bashí (sin lana)
• Herida
• Kueru di olefante ( kueru pretu i bashí)
• E kueru ta kòrá i e kueru tin otro koló.
• Holó stinki di kueru
• Kueru ta bira diki kousá di tumor

Parásito
E parásitonan ku mayoria ku ta kousa problema ta, pruga, mijten i karpata. Pruga ta kousa grawatashi ora e morde i despues e iritashon ta bini. Bo ta mira mesora e kachó ta bira i morde kaminda e la wòrdu mordé. Tin asta kachó ta alérgiko riba e mordé di e pruga. Mijten manera oormijt, demodex, sarcoptes i cheyletiella tambe por kousa grawatashi, kaska i iritashon.

Atopie
Atopie ta nifiká problema di kueru kousá pa alérgia. Otro nòmber ta dermatitis. Atopie bo por kompará esaki ku ora un hende tin hooikoorts. Pero na lugá di nister i nanshi ta kore katara, e kachó ta haña grawatashi i infekshon di kueru. E síntomanan ta mará na temporada i tin síntomanan ku ta dura henter aña.

Atopie por kuminsá ora e kachó ta ménos ku 3 aña. Rasa ku ta sensíbel ta:
• West Highland White Terrier
• Cairn Terrier;
• Jack Russel Terrier;
• Poedel;
• Malthezer Leeuwtje;
• Duitse herder;
• Boxer;
• Golden retriever;
• Labrador retriever.

Síntoma di atopie ta:
• Hopi grawatashi (spesialmente serka lana koló klá, dor di lembementu, e koló di lana ta kambia).
• Kueru bashí rondó di wowo, pata i kokoti.

Si e alérgia ta un alérgia króniko e kueru por bira diki i ta bira pretu. Esaki nan sa yame: kueru di olefante.

Infekshon di orea
Komo parti paden di e blat di orea tambe tin kueru, e kachó por haña infekshon di orea.

Diagnostiko
Pa sa ki tipo di alergia bo kachó tin, por hasi un test di kueru òf di sanger. Esaki bo por puntra bo veterinario pa hasi esaki.

Tratamentu
Ora ta papia di infekshon di kueru, mester laga e kueru trankilisá dor di antibiotika, remedi i shampo pa baha e grawatashi. Tin diferente método ku bo veterinario ta huza pa alivia e kueru. Ta dependé kon fèrfelu e problema ta.

Alérgia di kuminda
Mesun kos ku hende por ta alérgiko pa un tipo di kuminda, kachó tambe. Tin kachó por ta alériko riba sierto di supstansia ku tin den un kuminda. E promé síntomanan ta bini den e promé etapa di bida di e kachó. E kachó ta haña grawatamentu i e keuru na barika i kokoti ta iritá. Si e reakshon ta mas intenso, bo por mira esaki na otro parti di e kurpa di e kachó. E diagnóstiko ta abase riba un dieta ekstrikto ki tin un periodo di 6-10 siman. Esaki ta nifiká ku tin ku kambia e estilo di bida di e kachó dor di kambia e nutrishon di e kuminda i e kachó no por haña nada ekstra.

Por ehémpel: si e kachó su kuminda tin galiña (kual ku e ta alergiko na dje) aden, mester remplasá esaki ku por ehempel salmou. Na momentu ku e síntomanan bira ménos, por sa kiko e diágnostiko ta. Ora un kachó no por kome un tipo di karni (proteina) pasombra henter su sistema imune ta reakshoná riba dje, nos ta bisa ku e kachó ta alérgiko riba e proteina. E síntomanan ta ku e kachó su kabes ta bira diki i por haña bultu (bulten urticaria) riba su kurpa. Si un doño di kachó sa kiko su kachó ta alergiko riba dje, e por evitá ku e kachó por haña esaki. Si e doño ku tin mas ku un kachó (un ta alérgia i e otro nò), mester pone esaki nan dos apart pa niguin di dos no kome otro su kuminda. Riba merkado ta bende un aparato di kuminda ku ta traha riba e chip di un kachó so. Esaki ta habri solamente ora e kachó ta den bisendario. Si e kachó kita, e ta dal sera.

Si bo ta duda ku bo kachó tin alergia, tuma kontakto ku bo veterinario. 

Infekshon di kueru baketerial
Riba e kueru di un animal, ta biba hopi tipo di bakteria. Esaki ta forma un imune pa tene e ku kueru saludabel. Pero tin diferente kaso ku por kibra e balansa aki:
• Alérgia
• Parásito
• Problema ku e imune
• Problema ku e metabolismo
• Kuido di lana no apropia
• Ploi di kueru
• Kueru ku ta muchu vèt òf seku i ku tin kaska (seborroe).

Mayoria e kousa ta infekshon di bakteria. Esaki por infekta e lag di e kueru, pero esaki tambe por sigui desaroyá pa bai e lagnan mas abou.

Síntomanan
Ora ta papia di e estado di infekshon di kueru, e por varia di suave te ku grave.

Síntomanan suave:
• E kueru ta kòrá,
• E kueu ta bashí (sin lana)
• Kaska
• Bultu

Síntomanan grave:
• E kueru ta daña/habrí
• E kueru ta hinchá
• Vògt den herida
• Grawatashi
• E kachó tin keintura
• E kachó ta hole stinki
• E kachó ta malu

Diagnóstiko
Esaki ta wòrdu diagnóstika abase di e historia di kueru ku e kachó tin i kondishon di e kueru. Serka un veterinario ta hasi un investigashon bou di mikroskop i por determiná ki tratamentu e kachó tin mester. Tin kaso mester determiná kua tipo di bakteria ta aktivo i asina por trata e kachó mas presis. Banda di esei, mester saka afó tambe kiko ta e kousante di e infekshon di kueru. Dependé di e síntomanan, e veterinario ta por hasi un ‘afkrabsel’, investigashon di sanger, dieta òf un biopt di kueru (ta kita un pida di e kueru pa manda un laboratorio pa mas investigashon).

Tratamentu
Tratamentu por varia pa kada kachó. Ta dependé kon profundu e infekshon di kueru ta bai. Pa evitá di duna un antibiotika promé, e veterinario por rekomendá pa kuminsá huza shampo, spray, krema òf wipes pa e infekshon di kueru. Pero si e infekshon ta hopi avansá òf e promé tratamentu no a yuda òf lo no bai yuda, e veterinario por rekomendá antibiotika. I hopi importante ta pa sá kiko a kousa e infekshon di kueru ta, pa por evitá pa e ripití.

Tene na kuenta ku e tratamentu aki por dura largu. Mayoria biaha esaki mester 2-3 siman i pa infekshon mas desaroyá, e por dura 4-6 siman. I pa wak ku e tratamentu ta funshoná, e kachó mester kontrolá kada 2-3 siman. Si esaki no ta funshonando, e veterinario por rekomendá pa alargá e tratamentu i investigá e kousante di e problema.

 
Hòtspòt
Otro nòmber pa hòtspòt ta ‘pyotraumatische dermatitis’. Hòtspòt ta un infekshon di kueru lokal ku ta wòrdu kousá di e kachó mes dor di lembe, morde i grawata. Hòtspòt por aparesé den kualke ora i e ta plama bira grandi hopi lihé.

Kousa i síntoma
Ora e kachó tin grawatashi e kachó ta bai kuminsá grawata, morde i lembe kaminda esaki ta tumando lugá. E kachó por haña grawatashi di mordé di pruga, karpata, alérgia òf un infekshon di orea. Komo ku e kachó ta morde, grawatá i lembe e kueru, e kueru parti ariba ta habri i bakteria di kueru ku nòrmalmente no sa duna problema, ta bai okashoná un infekshon. I di e infekshon aki, ta kousa mas grawatashi kaminda e kachó ta bai grawata,morde i lembe mas ku normal. Dor di esaki ta forma un herida, muhá den forma di un ronchi i den par di ora esaki ta plama rònt su kurpa. Dor di esaki e kachó asta por pip di doló. Tur kacho por haña esaki pero e rasanan ku ta mas sensibel ta:
• Leonberger
• Golden Retrievers
• Labradors
• Bernen Sennen.

Tratamentu
Si un kachó tin un hòtspòt, ta importante pa bai bo veterinario pa tratamentu. Pa evitá ku e hòtspòt ta sigui krese e veterinario ta:
1. Kaminda e hòtspòt ta, mester feita rondó di esaki,
2. Limpia e hòtspòt ku por ehémpel Betadine òf Biotex
3. Prik pa kita e etímulo pa grawata
4. Tratamentu ku antibiotika kontra e infekshon di kueru
5. Eventualmente un krema òf spray kontra e grawatashi.

Despues di esaki ta imporatante pa sali na kla kiko tabata e motibu ku e kachó a akoshoná hòtspòt. E veterinario lo rekomendá bo pa kon pa kuida esaki i e stapnan pa evitá ku e hòtspòt ta ripití. Ta hopi imporante pa bo sigui esaki. Ora e tratamentu bai bon i e kousa a wòrdu determiná, alfinal e kueru ta kura bèk i e hòtspòt no ta regresa.

Infekshon di fungus (dermatophytose)
Tin 2 tipo di infekshon di fungus ta aparesé serka kachó:
1. Microsporum
2. Trichophyton.

Dermatophytose ta un infekshon di fungus ku ta riba e superfisie di e kueru. Den boka di pueblo ta yama esaki ringworm. Esaki ta e tipikó forma rondó ku bo por mira serka hende tambe. Tin mas ku 20 tipo di dermatophytose ku ya ta konosí serka kachó i pushi. Dermatophyten por kousa infeksho di fungus di kueru, lana i uña.

Bestia ta wòrdu infektá di fungus dor di kontakto kaminda e spor di fungus ta. Raramente un bestia por wòrdu infektá dor di fungus den bisendario ‘omgeving’. E riesgo aki tey solamente si tin dirèkt kontakto ora e kueru ta habrí (p.e. herida) òf un opheto mishi ku e kueru di e animal (fomieten), por ehémpel un skeiru pa lana òf un aparato di feita. E motibu aki ta ku e spor di dermatophyten mester di keratina pa sobrebibí. Keratina ta un proteina di kurpa ku bo por haña abou di uña i lana di e kueru serka bestia pero tambe hende.

Riesgo
E riesgo pa un animal wòrdu kontagia di infekshon di fungus ta:
• Edat: tur bestia yòn i adulto por haña e infekshon aki.
• Mal kondishon di lana: bestianan ku tin lana largu i e lana no ta bon kuida.
• Imune di defensa ta abou: dor di malesa òf remedi
• Otro tipo di bestia: serka konènchi, roedor (knaagdieren) òf un opheto.
• Parásito: komo ku e kueru por bira sensibel dor di e herida ku e parásitonan ta hasi, e chèns pa e dermatophyose ta subi.
• Kayente òf húmedo: ta yuda e fungus krese
• Kaminda tin hopi bestia (asiel, pension, kennel): por infektá otro dor di tin kontakto ku otro.

Diagnóstiko
Ora un kachó ta infektá ku fugus, den praktiká no tin un tèst 100% ku por dedektá kua tipo di fugus e kachó tin. Esaki hopi bes mester ripití òf hasi mas tèst pa sa ki tipo di fungus e kachó ta infektá. Ta pesei e eksperensia di e veterianrio ta hopi imporante. Tin diferente manera ku e veterinario por hasi un investigashon riba e fungus:
• Bou di mikroskop i ‘afkrabsel’
• Kultivo di fungus
• PCR tèst di fungus
• Biopt di kueru.

Zoönose
Zoonose ta nifiká ora un melesa ta tranmití pa bestia i pa hende. Esaki ta konta den mesun kaso aki ora un kachó òf pushi tin kualke tipo di dermathophyten. Serka hende bo ta mira e tipo di fungus serka mucha, personanan di edat avansá i hende ku malesa króniko. Hopi bes e personanan aki nan sistema inume ta abou. Via kueru e fungus ta drenta i aki e ta forma spor. I via e spor e por kontagiá hende i bestia. Serka hende e fungus aki ta rondo, kòra i bo ta mira esaki krese. Ora e infekshon ta kurando, esaki ta kuminsá di paden bai pafó i alfinal e mes ta kura. Pa hendenan ku nan defensa imune ta abou, ta hopi mas difísil i duradero pa e kura i ta bin ku síntomanan hopi mas fuerte komo ku defensa imune no ta funshonando.

Síntomanan
Na momentu ku tin kontakto ku e spor di e fungus, den 12 ora e fugus ta krese i den 24 ora e spor ta drenta via fibra (fibrils) di kabei/lana òf kueru. Normalmente e sistema imune di e kachó òf pushi mes ta defendé e kurpa kontra intruso (p.e: bakteria, fungus, parásito). Pero e fungus dermatophyten tòg ta haña un manera pa pasa esaki. E kurpa no por reakshoná riba esaki i e animal ta bira malu. 

E síntoma serka kachó ta ku e ta e lana nan ta kai, komo ku e spor di e fugus ta afektá e lanan i e kachó ta keda manera e kueru ta keda bashi (alopecia). Esaki ta akompañá ku:
• (Formashon di) kaska
• E kueru ta bira kòrá
• E kueru ta bira diki (lichenificatie)
• E kueru ta bira pretu (hyperpigmentatie).

E alopecia lo ta rondó di e kachó su kurpa. E por ta rondó pero tambe den otro forma. Tene na kuenta ku serka kachó kabei kòrtiku ku e ronchi kòrá ( no ta simétriko) por ta infekshon di mijter (p.e demodex) tambe. Tambe un kachó ku ringworm no mester grawatashi. Esaki tambe por ta un indikashon ku e kachó por ta infektá ku fungus. Ta dependé di kua fungus e kachó ta infektá. 

Tratamentu
E tratamentu kontra di infekshon di fugus ta un proseso ku ta bini ku hopi doló di kabes. Serka hende ku ta infektá ku fungus, e tratamentu ta bai fásil ku un krema kontra fungus. Pero serka bestia, i spesialmente pushi, tin hopi mas kos tras di dje. E tratamentu ta konsistí di:
• Quarantaine
• Limpiamentu
• Bañamentu
• Tratamentu lokaal
• Tratamentu general rondó e kurpa
• Monitoring

Malassezia serka kachó (gist)
Malassezia ta un gist ku ta normalmente bo ta haña riba kueru di kachó i pushi. Normalmente e defensa imune di e kueru ta prevení pa gist oumentá i pa esaki no bira un infekshon.E infekshon di Malassezia ta tuma lugá ora e kueru ta infektá ku un otro tipo di malesa (infekshon sekundario), manera atopie òf hormona ta kambiando. Tin diferente tipo di Malassezia, pero e tipo Malassezia Pachydermatitis ta aparsé mas tantu.

Tur rasa di kachó por haña infekshon di Malassezia, pero e rasa nan mas vunerabel ta:
• Basset Hound,
• Cocker Spaniel
• West Highland White Terriër.

Síntoma
Un di e síntomanan di Malassezia ta (hopi) grawatashi. Mayoria biaha bo ta mira e orea tambe ta infektá (otitis externa). E kueru di orea ta kòrá, húmedo, i tin un holó mùf. Ora e Malassezia oumentá i e ta bira asina aki:
• Kaminda na di e kueru no tin lana
• E kueru ta bira diki (kueru di olefante)
• E kueru ta bira pretu (hyperpigmentatie)
Malassezia por okashoná infekshon na un parti òf henter e kurpa di e animal. E partinan promé ku ta wòrdu infektá ta: orea, lep, boka, pata, parti abou di e garganta, bou di brasa, parti paden di pata, perineum i klir di anal.

Diagnóstiko
Pa un diagnóstiko bo tin ku bai un veterinario. E diagnóstika di infekshon di Malassezia por konsistí di un ‘plaktrip’ di e kueru. Ora pone koló riba esaki por identifiká Malassezia. Tambe por hasi un cytologie (investigashon di sélula) di e leshon por identifiká Malassezia. Tambe por wak den e orea. Korda ku Malassezia tey normalmente riba e kurpa. Ta na momentu ora e kantidat oumentá, nos ta papia tokante di infekshon di Malassezia.

Tratamentu
Pa motibu ku Malassezia ta un infekshon secundario, mester trata esaki promé. Kada veterinario ta traha otro. Tin ta duna un remedi lokal pa huza riba e kueru, tin ta duna kos pa baña kune i tin ta tuna remedi den forma di tablèt.

Problema ku metabolismo di kueru
E problemanan di mas grandi di metabolismo ta glándula tiroide i malesa di Cushing (ziekte van Cushing. Pa medio di investigashon di sanger i unrina por indentifiká kua ta e motibu dikon e kueru no tin lana.

Hypothyreoïdie (Mal funshonamentu di glándula tiroide)
Hypo ta nifiká pokopoko i tiroide ta nifiká na hulandes schildklier. Hypothyreoïdie ta nifiká ku e schildklier (tiroide) ta traha poko poko. Tiroide ta regla metabolismo di sélulanan den kurpa. E tiroide ta produsí hormona di teroide ku tin influensia riba e selebre (hypofyse-hypothalamus). Pa sa e funshonamentu di e schildklier mester kue sanger. Lamentablemente e tèst di sanger lo no ta 100% konfiabel den kaso di hypothyreoïdie.

Serka rasanan ku hypothyreoïdie sa aparsé ta:
• Doberman Pinscher,
• Golden Retriever,
• Ierse Setter,
• Duitse dog,
• Teckel,
• Boxer.

Síntomanan
• E kachó ta sùf i ta kana steif,
• Nan lo bai drumi kaminda ta kayente,
• Ounke e apetit di e kachó ta keda mesun kos, tòg e ta subi di peso,
• ‘Kale plekken’ i e kueru ta bira diki,
• No tin grawatashi,
• E kachó no ta bira loops,
• Kurason ta bati poko poko.

Tin kachó ta haña:
• Diarea,
• E pechunan lo hincha i kuminsá produsí lechi,
• Kabei ta bira fini, e kueru ta haña mancha pretu, haña infekshon i bira vèt,
• Tin kachó e nervionan ta será kual ta pone e kachó lo bira paralítiko, kabes ta bira di banda òf paralisis di kara.

Sí e problema di bo kachó no ta pará den e lista ariba menshoná i e kachó ta bebe i pishi hopi, ta nifiká ku e kachó lo tin un otro problema i no hypothyreoïde.

Diagnóstiko
Tin diferente malesa ku ta kousa tiki hormana di tiroide (T4) den sanger. E motibu ta ku un prueba di sanger no ta indiká ku e kachó tin problema ku glándula tiroide. Tin ku midi e TSH (schildklier stimulerend hormoon) tambe. Esaki sa ta hopi haltu na momentu ku tin problema ku tiroide.

Pa hasi un dianóstiko, mester tin 4 alegashon:
• Bo kachó tin 1 òf mas síntomanan ya menshoná,
• Bo kachó no tin otro síntoma, manera pishi i/òf bebe hopi.
• E T4 (hormona di tiroide) su resultado mester ta menos ku 10.
• E TSH ((schildklier stimulerend hormoon) su resultado mester ta mas ku 0,6

Si e 4 alegashonnan aki ta korekto, e tratamentu por kuminsá. Ora esaki kuminsá e sùfheid mester disparsé, den 2 siman. E kueru si mester mas tantu tempu (asta luna nan) pa kura. Si e alegashonnan ya menshoná ta inkorekto, mester hasi mas investigashon pa wak kiko ta e problema.

Tratamentu
Pa tratamentu mester die hormona di tiroide. Esaki mester duna e kachó henter di bida largu.

E tratamentu no ta basá solamente ku remedi pero tambe mester wak kon e kachó su kondishon ta desaroyá:
• Den 2 siman e kachó mester haña su energía bèk.
• Den 1-4 luna e kueru mester a rekuperá bèk (por bai mas largu tambe)
• Den 3 luna e kachó mester a rekuperá su peso ideal bèk.
• Ora e tratamentu kuminsá mester hasi un tèst di sanger despues di 4-8 siman pa asina por dosifiká e remedi. Esaki bo ta palabra ku bo veterinario.