Mijt di kaska (Schilfermijt)

Mijt di kaska (Schilfermijt)
E tipo di mijt aki sa wordu yamá : ‘walking dandruff’ òf ‘wandelende roos’, pasombra bo ta mira e kaska di kueru ta move. Bestianan doméstiko ku por haña e tipo di mijter aki ta: kachó, pushi, konènchi i kavia i hende tambe. Esun mas konosí yama ‘Cheyletiella yasguri’. Serka hende e por kousa iritashon di kueru i serka bestia e por kousa kaska i grawatashi. Esaki ta un infekshon inosente, pasombra esaki por wordu tratá fásilmente i lihé ku tratamentu kontra di pruga.

Siklo di bida
E mijt di kaska tin un grandura di 0,4 mm i tin ocho pata ku ta kaba ku traci ku hak na dje. E mijter aki ta biba henter su siklo di bida (21 dia) riba kueru di e anfritrion i ta fayersé den 10 dia si e no haña un antfritrion. E mijter muhénan ta traha un tùnel (kual ku ta kousa grawatashi) den kueru i mei mei di e ‘huidschilfers’ pa pone webu. E webu nan aki ta pega na e lana di e anfritrion i ta hasi e riesgo mas grandi pa por kontagiá otro anfritrion. E siklo aki por dura 4 siman.

Kontagioso
Mijt di kaska ta kontagiá otro animal hopi lihé dor di kontakto ku otro. Bo por haña mijter serka kachó, pushi i otro bestia nan tambe. Mijter ta selektivo riba kua tipo di anfrition e ta skohe: “Cheyletiella yasguri” serka kachó i “Cheyletiella blakei” serka pushi. Pero den práktika e mijter nan aki no ta asina selektivo. Asta esaki nan por kontagiá hende tambe i ku por kousa iritashon temporal: bòlòmbònchi kòrá ku ta grawata na man i na torso.

Síntomanan
E síntomanan por varia hopi. Tin sierto kaso ku e anfritrion no tin hopi molester di grawatashi i otro si tin hopi molester di grawatashi. Mayoria biaha e lananan riba lomba ta kai i serka kachó bo por mira ku e tin hopi kaspa.

Serka pushi (kabei largu) e síntomanan ta mas suptil. Tin kaso ta papia tokante ku e pushi tin ‘katteneczeem’ (miliaire dermatitis) òf lana bashi.

Diagnóstiko
Cheyletiella mijten tin un grandura di mas o ménos 0,5 mm. Tin sierto momentu bo por mira esaki nan ku bo wowo ora nan ta move. Pa diagnostiká ku un anfritrion (hende òf bestia) ta kontagiá ku mijter, bo por kue mòster dor di:
• Pasa un peña fini mei mei di e lananan
• E veterinario ta kue un pida di e kuero (afkrabsel) i wak esaki bou di mikroskop
• Plak un teip riba e lananan i kita.

Un estio bou di mikroskop, bo por mira klaramente e mijternan. Un otro manera konfiabel ta di huza un stòfzùiger (saku nobo) pa zùig e lananan i hiba esaki na un laboratorio pa hasi investigashon riba parásito.

 
Tratamentu
E tratamentu kontra “Cheyletiella mijt”, por wòrdu tratá bon ku spot-on (drupel na garganta) pa kontra pruga. E rekuperashon por dura entre 10 dia pa 4 siman. Loke si ta importante ta:
• Ripitishon di e tratamentu konta di pruga riba e animal
• E bisendario di e animal mester wòrdu tratá i otro animalnan ku e anfritrion tin kontakto kune.
Esaki ta prevení ku e anfritrion por wòrdu kontagiá atrobe.

Serka hende no mester tin un tratamentu, ya komo esaki ta bai di su mes!