Uña konènchi

Si e uñanan di e konènchi no ta veila di su mes, e uñanan por  krese bira largu. Pa kòrta e uñanan mester tin un skèr spesial pa hasi esaki. Awendia ta bende un veil outomátiko ku ta veila uña di bestia. Den tienda di animal ta bende e produktonan aki. Nunka no kòrta uña di ningun  bestia  ku ko’i kòrta uña di hende. Den e uña tin ardu i sí e uña wòrdu mal kòrtá, e por tin efektonan desagradabel pa e konènchi. Esaki por hasi hopi doló na e konènchi i e por sangra. Si bo konènchi tin uña koló blanku, bo por mira e ardu na koló ros. Nunka no kòrta muchu serka di e ardu, pasobra esaki tin chèns di sangra tòg i por hasi doló. Si e uña ta pretu, ta mas difísil pa mira unda e ardu ta stòp di kore. Si bo ta duda, laga un profeshonal òf un dòkter di bestia hasi esaki. Si bo a kòrta e ardu tòg, pone e uña ku ta sangra den puiru di kalki (hul.: kalkpoeder). Despues di un par di minüt e sangramentu mester stòp. Si no ta e kaso, akudí na un veterinario.